Այս Տրապիզոնի տարազը ձևավորվել է Հայաստանի տարբեր վայրերից Տրապիզոնում բնակություն հաստատած հայերի ամենատարբեր տարազների միաձուլումից:

Հնում կանացի հագուստի կարևոր մասերից էր վերնազգեստը: Այն կարվում էր մանուշակագույն, կանաչ և մուգ կարմիր մետաքսից: Զարդարում էին ոլորված ոսկեթել ասեղնագործությամբ: Թևքաբերանները ասեղնագործվում էին բուսանախշերի լայն շերտով, իսկ եզրերին կարվում էին ծալազարդեր: Գլխարկը կարվում էր կարմիր ու սև գույնի մահուդից կամ մետաքսից:

Տրապիզոնի տարազը պահպանվեց մինչև 1930-ական թվականները: