Գլխավոր > Ինդիվիդուալ Տուրեր > Ծաղկաձոր (Կեչառիս), Զիփլայն, Սեւանա լիճ (Սեւանավանք)
Ուղևորություն դեպի Ծաղկաձոր՝ հմայիչ քաղաք, որը հայտնի է իր բնական գեղեցկությամբ և պատմական տեսարժան վայրերով: Էքսկուրսիան սկսվում է Կեչառիս վանական համալիր այցելությամբ, որը պատկերացում է տալիս Հայաստանի հարուստ եկեղեցական ժառանգության մասին: Արկածախնդիրների համար այս օրը ներառում է հետաքրքրաշարժ Զիփլայնը, որը խոստանում է ոչ միայն հուզական ապրումներ, այլև բարձունքների ցանկացած վախ հաղթահարելու հնարավորություն:
Ուղևորությունը կշարունակվի դեպի Սևանա լիճ, որը հաճախ անվանում են Հայաստանի կապույտ մարգարիտ: Հանդիսանալով երկրի ամենամեծ լիճը և Կովկասի ամենահիասքանչ լճերից մեկը՝ Սևանա լիճը հիացնում է այցելուներին իր բյուրեղյա մաքուր ջրերով, մաքուր օդով և ժայռերով, վայրի լողափերով, անտառապատ լանջերով, ալպյան մարգագետիններով և գեղատեսիլ շրջակայքով:
Ձեր այցը կավարտվի Սևանի թերակղզում, որտեղ դուք կարող եք բարձրից հիանալ գեղեցիկ բնապատկերով: Կայցելեք Սևանավանք, որը հիմնադրվել է 874 թվականին Աշոտ Բագրատունու դուստր Մարիամ թագուհու կողմից։ Կապույտ երկնքի և փիրուզագույն ջրերի ֆոնին կանգնած Սուրբ Առաքելոց և Սուրբ Աստվածածին եկեղեցիները անջնջելի տպավորություն են թողնում բոլոր այցելուների վրա:
