Թանգարանը կառուցվել է Էրեբունի քաղաքի պատվին 1968 թվականին՝ Արին-բերդ բլրի ստորոտին, որտեղ ցուցադրված են Ուրարտուի մշակույթի արժեքավոր եզակի նմուշներ: Էրեբունին եղել է քաղաքական, տնտեսական և մշակութային կարևորագույն կենտրոն։ Ասում են, որ Երևանի անունը ծագել է "Էրեբունի"բառից։ Քաղաքը կառուցել է Ուրարտու պետության թագավոր Արգիշտի Ա – ն մ.թ. ա. 782 թվականին, ինչի մասին վկայում են Խորխորյան սեպագիր արձանագրությունը և նրան նույնական մյուս երկուսը, որոնք հայտնաբերվել են Արին-բերդ բլրի վրա ։ Թանգարանի տարածքի մեջ են մտնում Էրեբունու պարսպապատերի մնացորդները և արքունական պալատի որոշ սրահների մասնակի վերակառուցումը, որոնք գտնվում են բաց երկնքի տակ, թանգարանի գլխավոր շենքի հետևում, բլրի գագաթին: Էրեբունի թանգարան կարող եք այցելել երեքշաբթիից կիրակի:
